Aaya raam dhadake se budiya mar gayi kadake se !!
ye us geet ka pahla vakya hai jo aksar barish hone per mere school ka chaukidaar gaya karta tha. eis git me wo kabhi khush hojata kabhi ghamghin mujhe tab samajh nahi aata tha ki aakhir eisme aisa kya hai. magar wo kisan tha so barish dekhkar khil jata magar dusre hi pal uski gharibi aur lachari chhat se tapakne lagti to udas ho jata wo sab kuchh janta tha kisan ka ullas bhi aur dand se kikudti budiya ka perlaap bhi. MAgar mai hamesha uska mazak udata uske dard ki nakal banata rahamagar mujhe yaad hai usne kaha tha "Babu aisa kuchh karna ki Barsat se sab khush to hon magar koi budhiya sardi se na mare" tab bhi mai uski baat ke marm ko na samajh paya tha.
Mera school mere ghar se kadam bhar dur tha. mujhe yaad hai ki ek bade makan me ek maidani aangan ke sath humara school kisi zamindar ki kothi ka aabhas deta tha. magar pata hai wahan suvidhayen naam matra ko thin,
us maidan numa angan me aam ka ek ped kisi vatviriksh ko maat deta tha. garmiyon me hum bahut masti karte the kitna mujhe pata nahi bus wo din kabhi nahi laut sakta , us kasbai ilakon me humare group me laddkiyan bhi hoti thin, magar aaj tak kisi ka kisi se ishq vishq nahi hua huya bhi ho to mujhe nahi pata balki kisi ko nahi pata hum mahaz dost hua karte the aur itni masti ki puchho mat. us school ko Mustaqeem sir ne banwaya tha Shastri ji ke naam per Laal bahadur shastri School! maksad tha logon ko behtar shiksha dena taki wo shastri ji ki tarah farsh se arsh tak ja saken. Sir ne hamesha sikhaya ki agr tum hare balidaan se kisi ko aage jane ka mauka mile to do, wo aksar yudhistir ki sawarg yatra ki kahani sunate the. kahte hai na ki kuchh log humari zindagi me bade zaruri ho jate hain, wo bhi mere liye kuchh aise hi hai mai hamesha unka naam nahi leta magar aaj jab unki maut ko dashak pura hua mai unki badi kami mahsus karta hun wo mujhse pyar karte the mujhe hamesha prerit karte the. Mujhe yaad hai jab wo ilaaj ke baad laute the to mujhse kaha tha beta mera sapna pura zarur karna, unhone mujhe hamesha perdhanmantri kaha wo aksar kahte the unke sapno ko mai pura karunga. Shashtri school ke maksad ko pura karunga, magar mai aaj jab sochta hun to pata lagta hai mai ne kya kiya ya kya kar sakta hun nahi mai abhi 24 saal ka hi hun magar phir bhi kya mai un sapno ko pura karsakta hun. mujh per hamesha ek bojhh raha logo ki apekshao ka, Jyotasa, Sir, comrade Rajendra, aur kai naam. jinhone mujhe akela chhod diya. ya jisne mujhse apeksha ki maut ne uska waran kar liya mujhe bahut kuchh karna hai mujhe un sapno ko jeena hai ab chahe jo ho................
कोई टिप्पणी नहीं:
एक टिप्पणी भेजें