Saikdon baras se chali aarahi madarsa shiksha padhti aaj ke privartan shil aur yugaantkri yug me bhi kamobesh yathavat hai! Yadhpi bade madarson me eiske charitra me privartan aaye hain, Magar shiksha padhti ke mamle me aaj bhi ye madhyugin hain!
Madarson ne haal ke dino me bachchon khaskar anath aur garib muslim bachcho ke liye perskhan ka behtar kaam kiya hai! Adhisankhayak madarse jansahyog se chalaye jate hain wahin kuchh ek madarson ko sarkari ya gairsarkari sansthagat sahayta mili hai! 1857 se pahle jahan madarson ko waqf aur Jagiron ne chalaya aur tamam tarah ki vaigyanik aur tarkik udahran bhi banaye agar na bhula jaye to duniya ke saat ajubon me se ek aur duniya bhar me prem ke pertik ke taur per jana jane wala TAJMAHAL bhi eisi madarson se nikle talibilm ka kamal hai jiske samanantar aaj tak modern education system ne koi vikalp khada nahi kiya hai, waise bhi desh ki asthapya kalaon ka jo udahran hamare paas uplabdh hai unke nirmata adhikansh madarsa student hain, Magar afsoos angrezon ke kabze ke baad Madarson ki pahchan vidrohiyon ke pershikshan ka thikana mana jane laga aur aazadi ke baad khas kar haal ke varso me to atankvad ki factory jaise shabdon se bhi sambodhit kiya gaya. Chahe jo ho magar ab haal bahut bura hai aur tamam tarah ki aalochnao ke bavajud bhi yahan ki tang halat me shiksha ka bojh dho rahe bachchon per kisi ne dhyan nahi diya gaya. Aaj jahan schools me chhadion ka istemal puri tarah band kar diya gaya hain vahin aaj bhi mudarris apni bans ki chhadi ke bagair sabak sun-ne nahi baithte. Chhote chhote kamron me thus kar rakhe gaye bachchon ki halat ka andaza lagana koi kathin kaam nahi!
Madarson me yaun shoshan ka ek bhi mudda aaj tak surkhiyon me nahi aaya magar sambhavnayen kahti hain ki halat eisse ulat hai! Sharirik pertadna swasthya ki lachar eisthiti aur baal sharam se itar madarson me padne wale anath bachche aksar hi apne varisth shiksharthi athwa modarris ke hawas ka shikar bante hain aur ye parampara ke jaisa bana hua hai! Bachchon ka chuki wahan rahna majburi hai so wo uski shikayat nahi kar pata wahin anya sabhi perkar ki eisthitio me chahe wo bhojan ki gunvatta ya eisthiti ho ya phir unke swasthya ki sab andekha kiya ja raha hai wo bhi samperdayik chashme ke karan!
Yadhpi aankde uplabdh nahi tathapi dekhne me aata hai ki madarson ke shiksharthi adhikansh (Sat pertishat kahna atishyokti naki) Mamlon me charm rogi paye jate hain.
Jo unki swasthya ki eisthiti aur vatawaran ki ubau eisthiti ko rekhankit karta hai bhale hi madarson ko samperday vishesh se jodkar dekha jata ho ya phir use kisi vishesh samuday ki apni samasya mana jaye magar sach to ye hai ki wo bhi desh ke bhavi nagrik hain. Jo desh ka rukh modne ki kuvat rakhte hain! Disha hamen deni hain deni hai nakaratmak athwa sakaratmak
Jahan ki abhi haal me hi sachchar aayog ne desh ke musalmano ki eisthiti se awgat karaya hai! Adhikansh jagruk jan samuday eis report ko 1870 ke dashak ki “Hunter Report” (W.W. Hunter ki pustak INDIAN MUSALMAN) ki copy kaha aur musalmano ki samuday ke taor per hashiye per jati eisthiti ko rekhankit kiya hai! Aise me adhisankhayak budhhijivi Musalman manthan me laga hai! Shiksha aur rojgar ka sway intezam kiya jana samuday ke bhitar algao ki bhawna ko janam hai aur vastav me de bhi raha hai. Aise me Muslim samaj me samanya aur vikhyat “Bharanti” hai ki raksha vishesh kar guptchar sewa aadi me musalmano ko nahi rakha jata, Desh me musalman perdhanman mantri ya anya mahatvapurn mantaralay nahi sambhal sakta aadi
Eisme do rai nahi ki ein “bharantio” ko aspast shabdon me nahi kata ja sakta Magar musalmao ka ek bada hissa jo lagatar Mukhyadhara se vimukh ho samanantar dhara ka nirman kar rahe hain, unke samne aspast karna ki samajik zimmedari ka bida uthane wale log unki or bhi saman nazar rakhte hai bada aawashyak hai
Aajtak madrason ke bachcho ko baal adhikaron aur swasthya eisthitiyon ke awlokan nahi kiya jasaka hai! Dharam vishesh ka mamla mankar einhe samaj se bilkul hi kaat diya gaya jaise ki einhone sanyas le liya ho jabki agar bachche agar sanyas bhi le rahe ho to ye unke baal adhikaron ka aspast ulanghan hai!
Musalmano ke vishay me jab bhi baten ki jaati hain tab dangon ki baat hi hoti hai unke jivan ke any tamam pahluon per aaj tak dhyan nahi diya gaya aise me jabki vikas aur mukhydhara ki daod me samne aane ki baat hai to unki shiksha padhti aur shikshan sansthano ki eithiti per khuli bahas chhedna aavashyak hai.
कोई टिप्पणी नहीं:
एक टिप्पणी भेजें